https://youtu.be/K4J7d7mw9zg
පාස්කු ප්‍රහාරයෙන් පසු රටේ ආර්ථිකය යථා තත්ත්වයට
පාස්කු ඉරිදා ත්‍රස්ත ප්‍රහාරවලින් පසු මෙරට ආර්ථිකය යථා තත්ත්වයට පත්වෙමින් තිබෙන බවත් මේ වසරේදී ආර්ථික වර්ධන වේගය සියයට 3.7ක් වනු ඇති බවත් අන්තර්ජාතික මූල්‍ය අරමුදල සඳහන් කරයි.
ප්‍රතිපත්ති ප්‍රමුඛතා ආරක්ෂා කරමින් ඒවා ක්‍රියාත්මක කිරීමටත්, තරගකාරීත්වයට සහාය දෙමින් එය ශක්තිමත් කිරීමටත් සියලු දෙනාගේ සහභාගීත්වය සහිත වර්ධනය දිරිගැන්වීමටත් ආයතනික සහ ව්‍යුහාත්මක ප්‍රතිසංස්කරණ සිදුකළ යුතු බවත් අන්තර්ජාතික මූල්‍ය අරමුදල පෙන්වාදෙයි.
අන්තර්ජාතික මූල්‍ය අරමුදලේ ශ්‍රී ලංකාව වෙනුවෙන් පත් කර සිටින දූත මණ්ඩලයේ ප්‍රධානී මැනුවෙලා ගොරෝතී මහත්මියගේ ප්‍රමුඛත්වයෙන් දූත පිරිසක් ජනවාරි 29 වැනිදා සිට පෙබරවාරි 7 වැනිදා දක්වා ශ්‍රී ලංකාවේ සංචාරය කළහ.
Continue reading “පාස්කු ප්‍රහාරයෙන් පසු රටේ ආර්ථිකය යථා තත්ත්වයට”
Golden Lanka (රන් ලංකා)
දඹුල්ල රජමහා විහාරය
දඹුල්ල රජමහා විහාරය , ශ්‍රී ලංකාවේ මධ්‍යම පෙදෙසෙහි මාතලේ දිස්ත්‍රික්කයේ පිහිටා ඇති රජමහ විහාරයකි. මෙම අඩවිය කොළඹට කි.මී 148ක් ඊසාන දෙසින් හා මහනුවරට කී.මී 72ක් උතුරු දෙසින්, පිහිටා ඇත. මෙය ශ්‍රී ලංකාවේ විශාලතම හා හොඳින්ම සංරක්ෂණය කෙරුණු ලෙන් විහාර සංකීර්ණයයි. හාත්පස පිහිටි තැනිතලාවෙන් මතුවන ගිරිශිඛරය මී160 ක් අහස උසට පැන නගියි. මෙහි අවට ප්‍රලේඛගත ලෙන් 80 කට වැඩිගණනක් ඇත. මේ අතුරින් පිළිම හා සිතුවම් අඩංගු ලෙන් 5ක් තුල ප්‍රධාන ආකර්ෂණ අඩංගු වී ඇත. මෙම සිතුවම් හා පිළිම බුදු රජාණන් වහන්සේ හා උන්වහන්සේගේ දිවිය හා බැඳුනු ඒවා වෙති. මුළුමනින් බුදු පිළිම වහන්සේ 153 ක්ද, ශ්‍රී ලාංකික රජවරුන් 3 දෙනෙකුගේ පිළිමද හා දේවතා සහ දේවිතාවන්ගේ පිළිම 4ක්ද මෙහි වෙති. පසුව සඳහන්වූ 4 අතර, විෂ්ණු හා ගණ දෙවි යන හින්දු දෙවිවරුන්ගේ පිළිම දෙකක් ද වෙති. බිතු සිතුවම් 2,100 මී² ක වර්ග ඵලයක් සහිත පෙදෙසක පැතිර පවතී. බිත්ති වල දක්නට ඇති සංවර්ණන අතර මාර යකු විසින් බුදු රදුන් පෙලඹවීමට ගත්තැත හා බුදු රජාණන්ගේ පළමු ධර්ම දේශනාව දැක්වේ.
දඹුල්ල ලෙන් සංකීර්ණය අසබඩ ඉබ්බන්කටුව ප්‍රදේශයෙහි වසර 2700 නට වඩා පැරැණි (ක්‍රි.පූ 700) මානව ඇටසැකිලි සහිත සුසාන භූමි සොයාගෙන ඇති බැවින්, බුදුසහම ලංකාවට අවතීර්ණ වීමට පෙරාතුව, මෙම ලෙන් සංකීර්ණ තුල, ප්‍රාග්-ඓතිහාසික ශ්‍රී ලාංකිකයන් දිවි ගෙවූ බව අනුමාන කල හැක.